Novel Maan Jaanam Maan Ishqam By Farwa Khalid Complete

 Maan Jaanam Maan Ishqam By Farwa Khalid Complete

 ناول من جانم من عشقم رائٹر فروا خالد

"محبت کرنے والا دل اتنا سنگدل کبھی نہیں ہوتا وڈیرے سائیں۔۔۔۔ بہت ظلم کررہے ہیں آپ مجھ پر۔۔۔ مانتی ہوں غلطی میری تھی۔۔۔ مگر معافی بھی تو مانگی تھی نا۔۔۔ معاف کیوں نہیں کیا مجھے۔۔۔۔ میری غلطی سے بھی کہیں زیادہ بڑی سزا سنا کر چلے گئے۔۔۔۔ اس سنگدلی اور بے وفائی کے لیے کبھی معاف نہیں کروں گی آپ کو۔۔۔۔ کبھی نہیں۔۔۔۔"

سمائرہ نے بھیگے لہجے میں کہتے اردشیر کے چہرے کو چھونا چاہا تھا۔۔۔۔ وہ جانتی تھی اردشیر کی نیند بہت گہری ہوتی ہے۔۔۔ اور نہ کوئی بنا اجازت اردشیر کے کمرے میں آنے کی گستاخی کرے گا۔۔۔ اِس لیے وہ بے فکری سے اُسے دیکھتی اپنی آنکھوں کی پچھلے پانچ سال کی پیاس بجھا رہی تھی۔۔۔۔ 

لیکن اگلے ہی لمحے اُس کی چیخ نکل چکی تھی۔۔۔ جب اردشیر نے اُس کا ہاتھ پکڑ کر اپنی جانب کھینچ لیا تھا۔۔۔۔ 

سمائرہ سیدھی اُس کے سینے پر جاگری تھی۔۔۔۔ 

"یہ کیا بدتمیزی ہے چھوڑیں مجھے۔۔۔۔؟؟؟۔"

سمائرہ نے اُٹھنا چاہا تھا۔۔۔۔  

جب اردشیر کروٹ بدلتا اُس پر پوری طرح حاوی ہوا تھا۔۔۔۔ 

سمائرہ کی مزاحمت کرتی کلائیوں کو اپنی گرفت میں لیتے اردشیر نے آنکھیں کھول کر اُس کی جانب دیکھا تھا۔۔۔

"تم۔۔۔۔ تم یہاں کیا کررہی ہو؟؟؟ مجھے لگا میری بیوی ہے۔۔۔۔۔۔"

اردشیر نے اُس کا شرم و خفت سے لال پڑتا چہرا دیکھ جس انداز میں کہا تھا سمائرہ کا پورا وجود آگ کی لپیٹ میں آچکا تھا۔۔۔۔

"جی بہت بڑی غلط فہمی ہوئی آپ کو۔۔۔۔ ویسے نام کیا ہے آپ کی بیوی کا وڈیرا سائیں۔۔۔۔۔؟؟؟"

سمائرہ نے اُس سے اپنے آپ کو آزاد کرواتے چڑ کر کہا تھا۔۔۔جس کے منہ سے آج کل اپنی چہیتی بیوی کے سوا کچھ نکل ہی نہیں رہا تھا۔۔۔۔

جبکہ اُس کی بات پر اردشیر بھی لمحے بھر کو سوچ میں پڑ گیا تھا۔۔۔ سچ تو یہ تھا کہ اُسے ابھی تک ماہ وش کا نام تک نہیں پتا تھا۔۔۔۔ جس لڑکی سے پہلے دن کے بعد اُس نے بات تک نہیں کی تھی۔۔۔  اُس کا نام بھلا کیسے پتا ہوتا۔۔۔۔

اردشیر کو یہاں ہر کوئی وڈیرا سائیں کہہ کر ہی بلاتا تھا۔۔۔  اُسے اپنے لیے یہ طرزِ تخاطب کچھ خاص پسند نہیں تھا۔۔۔ مگر اِس وقت سمائرہ کے منہ سے بار بار اِسی نام کی پکار اُسے بہت پیاری لگ رہی تھی۔۔۔

"تمہیں میری بیوی کے نام سے کیا پرابلم ہے۔۔۔۔ وہ اُس کی طرح بہت حسین ہے۔۔۔۔۔"

اردشیر سمائرہ کے دلکش نقوش کو اپنے بے حد قریب دیکھتا خمار آلود لہجے میں بولا تھا۔۔۔۔۔

"میں آپ کی اُس بیوی کی بات کررہی ہوں۔۔۔ جسے آپ ونی میں اپنے ساتھ بیاہ کر لائے ہیں۔۔۔۔"

سمائرہ اُس کی مضبوط گرفت سے ہار مانتی مزاحمت ترک کرچکی تھی۔۔۔ 

"میں بھی اُسی بیوی کی ہی بات کررہا ہوں۔۔۔۔ کیوں کیا اُس کے علاوہ بھی میری کوئی بیوی ہے۔۔۔ میری یاداشت میں تو ایسی کوئی بات نہیں ہے۔۔۔۔"

اردشیر کو اُسے جیلس ہوتا دیکھ بہت سکون مل رہا تھا۔۔۔۔ 

"جی بالکل اِس کے علاوہ آپ کی کوئی بیوی ہے بھی نہیں۔۔۔۔ تو یاداشت میں لانے کی ضرورت  بھی نہیں ہے۔۔۔۔ مجھ سے دور ہوجائیں پلیز۔۔۔۔۔ ایسے نہ ہو آپ کی اکلوتی بیوی آکر یہ سب دیکھ لے۔۔۔۔ اور آپ سے ناراض ہوجائے۔۔۔۔"

سمائرہ کی آنکھوں میں اردشیر کی بات پر نمی اُتر آئی تھی۔۔۔۔ جس پر اُس نے تپ کر جواب دیتے اُس کی چوڑی ہتھیلی کی پشت پر دانت گاڑھ چکی تھی۔۔۔۔ 

اردشیر پر غصہ نکالنے کا اُس کا یہی طریقہ تھا۔۔۔

اُس کی اِس معصومانہ حرکت پر اردشیر کے چہرے پر دلکش مسکراہٹ پھیل گئی تھی۔۔۔۔۔

وہ دونوں ہی ایک دوسرے کی قربت میں اِس وقت کچھ لمحوں کے لیے یہ بھول چکے تھے کہ اُن کے درمیان پانچ سال پہلے کیا ہوا تھا۔۔۔۔ دونوں کے درمیان موجود محبت پر نفرت کی چادر چڑھ چکی تھی۔۔۔۔ 

مگر اِس وقت وہ سارے تلخ لمحے بھلائے دونوں ایک دوسرے کے ساتھ پانچ سال پہلے کی طرح گلے شکوے کرنے میں مصروف تھے۔۔۔۔ محبت کی مہکتی قربت میں وہ دونوں کچھ وقت کے لیے ہی سہی مگر نفرت کی تلخی بھلا چکے تھے۔۔۔۔

"مجھے اپنی اکلوتی بیوی کو سنبھالنا بہت اچھے سے آتا ہے۔۔۔۔ تمہیں اُس کی فکر میں ہلکان ہونے کی ضرورت نہیں ہے۔۔۔۔ اور جس طرح تم دروازہ لاک کرکے کسی کے اندر نہ آنے کا پورا انتظام کرکے آئی ہو۔۔۔ وہ بچاری بھلا کیسے اندر آسکتی ہے۔۔۔۔"

اردشیر کی زو معنی بات پر سمائرہ کا چہرا شرمندگی سے لال ہوا تھا۔۔۔۔ مطلب وہ جاگ رہا تھا۔۔۔ اور اُس کی ایک ایک حرکت سے واقف بھی تھا۔۔۔۔

"میں یہاں بہت امپورٹنٹ بات کرنے آئی تھی۔۔۔۔"

سمائرہ اُس کے ہاتھ پر اپنے دانتوں کے نشان چھوڑ چکی تھی۔۔۔ مگر اُس کے باوجود اردشیر کی گرفت میں کمی نہیں آئی تھی۔۔۔۔ آج اتنے سالوں بعد اِس لڑکی کو اپنے بے پناہ قریب، اپنی بانہوں میں دیکھ اُس کے رگ و پے میں ایک میٹھا سا سرور اُترتا چلا گیا تھا۔۔۔۔

NOVELS INFORMATION ARE THE GIVEN BELOW:
Title	Maan Jaanam Maan Ishqam By Farwa Khalid
Author	Zubi Novel's ZOne
File Type	PDF Format
File Size	48.1MB
Pages	748+

Online Reading